மேற்கு வங்கத்தில் 34 ஆண்டுகால இடதுமுன்னணியின் ஆட்சிக்காலத்தில் எதுவுமே செய்யப்படவில்லை என்று தடா லடியாகப் பேசிவருகிறார் மம்தா பானர்ஜி, ஆமாம் ஆமாம் என்று உரத்த குரலில் முழங்குகிறார் சோனியாகாந்தி,ஏழை மக்களைப்பற்றி இடது முன்னணி கவ லைப்படவே இல்லை என்கிறார் “இளவர சர்” ராகுல் காந்தி. இவர்களின் இந்த பேச் சுக்கள் மேற்கு வங்க மக்களையே அவ மதிப்பதுபோல் இருக்கின்றன என்று சரியாகவே வருணித்துள்ளார் சோமநாத் சட்டர்ஜி, இடதுமுன்னணி எதையுமே செய்யவில்லை என்றால் மேற்கு வங்க மக்கள் ஏழுதேர்தல்களில் தொடர்ந்து அதற்கு வாக்களித்திருப்பார்களா என்ற கேள்வியை அவர் எழுப்பியுள்ளார். புளு கினாலும் பொருத்தமாகப் புளுக வேண் டும் என்பார்கள். கடந்த 34 ஆண்டுகளாக சிறப்பான முறையில் சாதனைகளை நிகழ்த்தியுள்ள மேற்கு வங்க இடது முன் னணியின் ஆட்சியை நேரில் கண்டுவரும் வங்கமக்கள், இந்த கோயபல்ஸ் பிரச்சா ரத்திற்கு பலியாகிவிடுவார்கள், என்று மம்தா கும்பல் நினைத்தால், அது பகற் கனவாகவே முடியும்.

30 ஆண்டுகளாக எகிப்து நாட்டை ஆட்சி புரிந்த முபாரக்கின் ஆட்சியை மாற்றமுடியும் என்றால், மேற்கு வங்க ஆட்சியை மாற்ற முடியாதா என்று கேட் கிறார் மம்தா பானர்ஜி. எகிப்து நாட்டில் நடைபெற்று வந்தது ஒரு சர்வாதிகார ஆட்சி. ஆட்சிமாற்றத்துக்கு வாய்ப்பளிக் கும் வகையில் ஐந்தாண்டுகளுக்கு ஒரு முறை இங்கு போல் அங்கெல்லாம் முறை யாகத்தேர்தல்கள் நடத்தப்பட்டது கிடை யாதே. 1977க்குப் பிறகு ஐந்தாண்டுக ளுக்கு ஒருமுறை தேர்தல்களை நடத்தி, மக்களின் கட்டளையைப்பெற்றுத்தானே ஆட்சி பீடத்தில் இடது முன்னணி நீடித்து வருகிறது அப்போதெல்லாம் பல பொய்மூட்டைகளை அவிழ்த்துவிட்டு நீங்கள் செய்த பிரச்சாரங்கள் வங்கமக்கள் மத்தியில் எடுபடவில்லையே. அதை நாடு மறக்கவில்லை. எனவே மாற்றம் வேண் டும் என்று நீங்கள் கூக்குரலிடுவதால் எந்த பயனும் விளையாது, இப்போது இந்த சேர்ந்திசையில் தன்னையும் இணைத் துக் கொண்டுள்ள பிரதமர் மன்மோகன் சிங், ஆட்சி மாற்றத்துக்கான தருணம் வந்துவிட்டது என்கிறார். இடது முன் னணி ஆட்சி அகற்றப்படவேண்டும் என்று கடந்தகாலங்களில் இந்திரா காந்தி பிரச்சாரம் செய்துள்ளார். ராஜீவ்காந்தி பிரச்சாரம் செய்துள்ளார். அப்போதெல் லாம் வராத தருணம் இப்போது வந்துவிட் டதாக மன்மோகன் சிங் கூறுவது ஏன்? இந்தியாவை தனது இளைய பங்காளி யாக மாற்றுவதற்கு அமெரிக்கா தொடர்ந்து முயற்சித்து வருகிறது. ஆனால், அதற்கு இடதுசாரிகளின் அரசியல் வலிமை தடையாக இருக்கிறது. எனவே அவர்கள் பலவீனப்படுத்தப்படவேண்டும். தோற் கடிக்கப்படவேண்டும். அதே நேரத்தில் மம்தா பானர்ஜி மேற்குவங்க முதல்வரா னால்,அவர் நம்முடன் நன்கு ஒத்துழைப் பார் என அமெரிக்கா கருதிவருவதை விக் கிலீக்ஸ் இணையதளம் அம்பலப்படுத்தி யுள்ளது. அமெரிக்கா கூறுவதை வேத வாக்காக கருதி செயல்படக்கூடிய மன் மோகன்சிங், அவர்கள் விருப்பத்தை மன தில் வைத்துக்கொண்டுதான் ஆட்சிமாற் றத்துக்கான தருணம் வந்து விட்டது என்று கூறுகிறாரோ?

சாதாரண மக்களுடன் குறிப்பாக இளைஞர்களுடனான தொடர்பை இடது முன்னணி அரசாங்கம் இழந்துவிட்டது என்கிறார் பிரதமர் மன்மோகன் சிங். அப் படியானால் கடந்த ஆண்டில் பெரும் பாலான கல்லூரிகளில் நடைபெற்ற மாணவர் சங்க தேர்தல்களில் இந்திய மாணவர் சங்கம் அமோக வெற்றிபெற்றது எப்படி, அவர்களுடன் நல்ல புரிதல் மார்க்சிஸ்ட் கட்சிக்கு இருப்பதனால் தானே இந்த வெற்றி சாத்தியமாயிற்று. முதலீடு, விவசாயம், கல்வி போன்றவற் றில் உறுதியான கொள்கை எதுவும் இடது முன்னணிக்கு இல்லையாம்! கூறுகிறார் மன்மோகன் சிங்.

கடந்த சில ஆண்டுகளில் தொழில் முனைவோருடன் மேற்கு வங்க அரசு செய்து கொண்ட ஒப்பந்தங்களின் எண் ணிக்கை 1362, இதன்முலம் பெறப்பட் டுள்ள முதலீடுகளின் அளவு 237000 கோடி. குஜராத், மகாராஷ்டிராவுக்கு அடுத்தபடியாக அதிக முதலீடுகளை ஈர்த்துள்ள மாநிலம் மேற்குவங்கம். இரும்பு, எக்கு, உணவுப் பதப்படுத்தும் தொழில், தகவல் தொழில்நுட்பம், சுற்று லாத்துறை போன்றவற்றில் அம்மாநிலத் திற்கு கடந்த சில ஆண்டுகளில் பல்லா யிரம் கோடி ரூபாய் புதிய முதலீடு கிடைத் துள்ளது. மின்வெட்டு என்ற ஒன்று இல்லாத மாநிலம் மேற்கு வங்கம். 1977ல் ஆட்சிப்பொறுப்பை இடது முன்னணி ஏற்றபோது கொல்கத்தா நகரம் இருண்ட நகரம் என்ற பெயரைப் பெற்றிருந்தது. மின் சார உற்பத்தி அதிகரிப்புக்காக ஏராள மான திட்டங்கள் வகுக்கப்பட்டு, போர்க் கால அடிப்படையில் இடது முன்னணி அரசால் நிறைவேற்றப்பட்டதால்தான் இன்று மின்சாரத்தை மற்ற மாநிலங் களுக்கு வழங்கக்கூடிய மாநிலமாக மேற்கு வங்கம் உயர்ந்துள்ளது. மின் வெட்டு இல்லாத மாநிலமாக தமிழகம் என்று மாறும் என ஏங்கி வரும் தமிழக மக்களால் மேற்கு வங்க அரசின் மகத் தான சாதனையை நன்கு புரிந்துகொள்ள முடியும்.

நிலச்சீர்திருத்தங்களின் மூலம் 30 லட்சம் நிலமற்ற விவசாயக் குடும்பங் களுக்கு அளிக்கப்பட்ட நிலம் 13 லட்சம் ஏக்கர், 15 லட்சம் குத்தகைதாரர்களின் உரிமை பாதுகாக்கப்பட்டுள்ளது. சரியான விவசாயக்கொள்கை கடைப்பிடிக்கப் பட்டதால்தான் உணவுதானிய உற்பத்தி யில் தன்னிறைவை எட்டிமேற்கு வங்கம் சாதனை நிகழ்த்தியுள்ளது. காய்கறிகள் மற்றும் பழங்களின் உற்பத்தியில் முதலி டத்தில் உள்ள மாநிலம் மேற்கு வங்கம். சிறு தொழில் மற்றும் கிராமத் தொழில் களை வளர்த்துள்ளதிலும் முதலிடத்தில் உள்ள மாநிலம் மேற்கு வங்கம்.

பொது சுகாதாரத்திலும் பெரும் சாத னைகள் நிகழ்த்தப்பட்டு வருகின்றன. அம் மாநிலத்தின் 70 சதவீதம் நோயாளிகள் பொதுமருத்துவமனைகளில்தான் சிகிச்சை பெற்று வருகின்றனர். ஆண்கள் மற்றும் பெண்களின் சராசரி ஆயுட்காலம் தேசிய சராசரியை விடக் கூடுதலாக உயர்ந்துள்ளது. குழந்தை இறப்பு விகிதம் 1981ல் 1000க்கு 62 ஆக இருந்தது. 2008ல் 1000க்கு 35 ஆகக் குறைந்துள்ளது.

ஆரம்பப் பள்ளிகளில் சேரத் தகுதி படைத்த மாணவர்களில் 99.06 சதவீதம் பேர் பள்ளிகளில் சேர்க்கப்பட்டுள்ளனர்.

கல்வி- வேலைவாய்ப்புகளில் முஸ் லிம் சிறுபான்மையினர் பின்தங்கிய நிலையில் இருப்பதைக் கருத்தில் கொண்டு 10 சதவீதம் இடஒதுக்கீடு வழங்கப்பட்டுள்ள முதல் மாநிலம் மேற்கு வங்கம், முஸ்லிம் மாணவர்களுக்கு கல்வி உதவித்தொகைக்காக தனி ஒதுக்கீடு செய்யப்பட்டு அதன் மூலம் பல ஆயிரம் மாணவர்கள் பயன் பெற்றுள்ளனர்.

இவ்வாறு மேற்கு வங்க இடது முன் னணியின் சாதனைகளைக் கூறிக் கொண்டே போகலாம். ஐந்தாண்டுகாலம் ஆட்சியில் இருந்தால் ஏற்படும் அதிருப்தி காரணமாக அடுத்த தேர்தலில் ஆட்சி யை விட்டு இறக்கப்படுவதே காங்கிரஸ், பாஜக மற்றும் திமுக போன்ற கட்சிகள் ஆளும் மாநிலங்களின் அனுபவமாக இருந்து வந்துள்ளது. மக்களின் வாழ்க்கை யில் மாற்றத்தை ஏற்படுத்தும் பல சாத னைகளைப் புரிந்து வந்துள்ளதால்தான் மேற்கு வங்க இடது முன்னணியை கடந்த 34 ஆண்டுகளாக எதிரிகளால் ஆட் டவோ அசைக்கவோ முடியவில்லை. இடது முன்னணி அரசை வங்கக்கடலில் வீசுவோம் என்று முந்தையகாலங்களில் முன்னாள் மத்திய ரயில்வே அமைச்சர் கனிகான் சவுத்ரி முழங்கிவந்தார். அவரது ஆயுட்காலம் முழுவதிலும் அவரால் அதனை செய்யமுடியவில்லை. கடந்த தேர்தலின்போதே இதேபோன்ற முழக் கத்துடன் தேர்தலை சந்தித்த மம்தா பானர்ஜி தோல்வியைத்தழுவினார். இடது முன்னணியை ஆட்சியை விட்டு எப்ப டியாவது இறக்கிவிடவேண்டும், எத்த கைய தில்லுமுல்லையும் செய்தாவது மேற்கு வங்க முதல்வராகிவிடவேண்டும். இதற்காக நக்சலைட்டுகள் உள்ளிட்ட எவரை வேண்டுமானாலும் பயன்படுத் திக் கொள்ளலாம் என்பதை தவிர, வேறு கொள்கையோ, கோட்பாடோ இல்லாத மம்தா, மேற்கு வங்கத்தில் ஆட்டம் போட்டு வருகிறார். மம்தாவின் துணை இல்லை என்றால் ஏற்கெனவே கிடைத்த சில எம்எல்ஏ பதவிகள் கூட இல்லாமல் போய்விடுமே என்ற அச்சத்தால் காங் கிரஸ் கட்சி வெட்கமின்றி மம்தாவின் அரா ஜகத்துக்கு உடந்தையாக இருந்து வரு கிறது. அறிவாற்றலிலும் அரசியல் உணர் விலும் முன்னணியில் உள்ள மேற்கு வங்க மக்கள் இந்த சந்தர்ப்பவாதக் கூட் டணிக்கு நல்ல பாடத்தைக் கற்பிப்பார்கள் என்பது உறுதி.

மனிதகுல வரலாற்றில் பல்வகை சிறப்புகளைக்கொண்ட கிரேக்க நாட்டின், புகழ்மிக்க தலைநகரம் ஏதென்ஸ். சிறிய நாடானாலும், கிரேக்கத்தின் பண்டைய புகழுக்குஏற்றாற்போல், இன்றும் பல் வகை சிறப்புகளைக்கொண்டநாடு. உலகம் முழு வதும் முதலாளித்துவ நெருக்கடியில் சிக்கித் தவிக்கும் நிலையில், அந்த நெருக்கடியின் கோரவிளைவு களால் பெரிதும் பாதிப்புக்குள் ளாகியுள்ள மக்கள். இந்த நெருக்கடிகளின் விளைவுகளுக்கு எதிராக வீரஞ்செறிந்த வேலைநிறுத்தங்கள், போராட்டங்கள், கிளர்ச் சிகளால் உலகத் தொழிலாளர்களின் கவனத்தை ஈர்க்கும் நாடு !

இந்த கிரேக்க மண்ணில், தலைநகர் ஏதென்ஸில் தான் உலகத்தொழிற்சங்க சம் மேளனம் (றுடிசடன குநனநசயவiடிn டிக கூசயனந ருniடிளே-றுகுகூரு) நடத்திய 16வது உலகத் தொழிற்சங்க மாநாடு ஏப்ரல் 6 முதல் 10வரையிலும் மிகச்சிறப்பாக நடைபெற்றது.

மாநாட்டுப் பின்னணி

தொழிற்சங்கங்களை உலகரீதியாக ஓரணி யில் திரட்டி, பாசிசத்திற்கு எதிராகவும், ஏகாதி பத்திய, முதலாளித்துவ ஆதிக்கத்திற்கு எதி ராகவும் வர்க்க ரீதியான பார்வையுடனும், சமூக மாற்றத்திற்காகவும் போராடும் நோக்கோடு 1945ல் துவங்கப்பட்டது உலகத்தொழிற்சங்க சம்மேளனம். 1945 அக்டோபர் 3 முதல் 10வரையிலும் பாரீஸ் நகரில் இதன் அமைப்பு மாநாடு நடைபெற்றது. அக்டோபர்3, அமைப்பு தினமாக கொண்டாடப்படுகிறது.

வரலாற்று முக்கியத்துவம் வாய்ந்த சிறப்பு மிக்க பணிகள், போராட்டங்கள், ஒருமைப் பாடு இயக்கங்கள் என புரட்சிகர பாரம்பரியம் கொண்ட சம்மேளனம், உலகளாவிய தத்து வார்த்த சருக்கல் காலங்களில் முந்தைய வர்க்கப்பார்வையுடனான செயல்பாடுகளில் பலவீனங்களைக் கண்டது. 1990ம் ஆண்டு களுக்கு பிறகு, சம்மேளனப் பணிகள், பல் வகை நெருக்கடிகளைச் சந்தித்தது.

உலகளாவிய அரசியல் பலாபலங்களில் வந்த பாதகமான மாறுதல்களால், உலக முத லாளித்துவ சக்திகளின் பேராதரவோடு, சீர் திருத்தவாத தொழிற்சங்கங்களின் உலகளா விய பணிகள் ஒருமுகப்படுத்தப்பட்டன. வர்க்கப்போராட்டங்களின் வரலாறு முடிந்து விட்டது என மூலதன சக்திகள் கொக்கரிக்கத் துவங்கின. இந்த சூழ்நிலைகளின் பாதிப்பு களை 1990ம் ஆண்டு மாஸ்கோவில் நடை பெற்ற 12வது மாநாட்டில் நேரடியாக உணரும் வாய்ப்பும் எனக்கும் கிடைத்தது.

13வது, 14வது மாநாடுகள் ( டமாஸ்கஸ், புதுதில்லி) நிலைமைகளை மாற்ற உதவ வில்லை. ஆனால் கியூபாவின் தலைநகர் ஹவானாவில் 2005ல் நடைபெற்ற 15வது மாநாடு, புதிய பாதையிலான பயணத்திற்கு வித்திட்டது. கடந்த 5 ஆண்டுகள், புரட்சிகர வர்க்கப்பாதையில், சுரண்டலற்ற புதிய உலகம் எனும், ஆரம்பகால லட்சியப்பார்வையை முன் னிறுத்தி செயல்பட்ட காலமாக இருந்தது. 15வது மாநாட்டில் பொதுச்செயலாளராக தேர்வு செய்யப்பட்ட, கிரேக்க நாட்டின் ‘பாமே’(ஞஹஆநு) எனும் போர்க் குணமிக்க அமைப்பைச் சார்ந்த தோழர் ஜார்ஜ் மாவ்ரி கோஸ் உட்பட்ட தலைமைக்குழுவின் பணி கள், சம்மேளனத்தின் விஸ்தரிப்புக்கும் வளர்ச்சிக்கும் முன்னேற்றத்திற்கும் வழி வகுத்தது.

சிஐடியுவின் இணைப்பு

அமைக்கப்பட்ட நாள் முதல் சம்மேளனத் தோடு தோழமையுடன் செயல்பட்டாலும், சிஐடியு, சம்மேளனத்துடன் இணைய வில்லை. சம்மேளனத்தின் கொள்கை நிலை பாடுகள்தான் சிஐடியு இந்த நிலையை மேற் கொள்வதற்கான காரணமாக இருந்தது.

15வது மாநாட்டுக்குப்பின் ஏற்பட்ட மாறு தல்களின் பின்னணியில் சிஐடியு, இணைப்பு பிரச்சனையை மறுபரிசீலனை செய்தது. சிஐடியுவின் சண்டிகர் மாநாட்டில் பங்கேற்ற சம்மேளனப் பொதுச்செயலாளர், சிஐடியு தலைமையுடன் விரிவாக விவாதித்தார். 2010 அக்டோபர் - நவம்பரில் சிஐடியு பிரதிநிதிகள் குழு ஏதென்ஸ் சென்று விவாதங் களைத்தொடர்ந்தது. சிஐடியுவை, உலகத் தொழிற்சங்க சம்மேளனத்துடன் இணைப்ப தென்று சிஐடியு செயற்குழு, நிர்வாகக்குழு, பொதுக்குழு என முறையாக விவாதித்து முடிவு செய்தது.

இணைப்பை உறுதிப்படுத்த, தோழர் மாவ்ரிகோஸ் மார்ச் 12 அன்று சிஐடியு தலை மையகத்துக்கு வருகைபுரிந்தார். இந்தப் பின்னணியில்தான் சிஐடியுவின் 20 பிரதி நிதிகள் கொண்ட குழு, 16வது மாநாட்டில் பங் கேற்றது.

உற்சாகப் பெருவிழா

ஏப்ரல் 6மாலையில், ஏதென்ஸ் நகரில் ஃபலீரோ காம்ப்ளக்சிலுள்ள பிரம்மாண்ட விளையாட்டரங்கில் துவக்கவிழா நடை பெற்றது. விளையாட்டரங்கின் இருப்பிடங்கள் நிரம்பி வழிய, ஏதென்ஸ் நகரின் தொழிலாளர் களும், இளைஞர்களும் அணிதிரண்டனர். சம்மேளனத்தலைவர் மற்றும் பொதுச் செயலாளர் தலைமையில் பிரதிநிதிகள், அரங் கிற்குள் அணிவகுத்து வர, உரக்க கோஷங் களை எழுப்பியும், பதாகைகளை அசைத்தும் வரவேற்ற நிகழ்வு உலகின் அனைத்துப் பகுதிகளிலிருந்தும் வந்து சேர்ந்த பிரதி நிதிகளை பெரிதும் உணர்ச்சிவசப்படுத் தியது.

பாரம்பரிய இசைப்பாடல்களுக்குப்பின், சம்மேளனத்தின் 65 ஆண்டுகால வரலாற்று நிகழ்வுகளின் தொகுப்பை, பிரம்மாண்ட திரைகளில் ஒளிபரப்பினார்கள்.

வர்க்கப்போராட்டம், சர்வதேச ஒரு மைப்பாடு, ஜனநாயகம்,ஒற்றுமை ஆகிய வற்றோடு, நவீன செயல்பாட்டு முறை யையும் இணைத்த கோஷங்கள் எங்கும் எதிரொலித்தன. விழாமேடையிலும், அரங்கம் முழுவதும் பன்மொழிகளில் இதே கோஷங்கள் பொறித்த பதாகைகள் நிரம்பியிருந்தன.

பங்கேற்ற பிரதிநிதிகள் பற்றிய சுருக்க மான விபரங்களை இந்தியாவிலிருந்து வந்த பெண் பிரதிநிதியொருவர் அறிவிக்க, தென் அமெரிக்க பிரதிநிதியொருவர் இரங்கல் - அஞ்சலி தீர்மானத்தை முன்மொழிய, சம் மேளனத்தலைவர் தலைமையில் சம் மேளனத் தலைமைக்குழு உறுப்பினர்களு டன் மக்கள் சீனத்தின் ஏசிஎப்டியு (ஹஊகுகூரு) பிரதிநிதி மற்றும் சிஐடியுவின் அகில இந்திய செயலாளர் டாக்டர் கே.ஹேமலதா உட்பட தலைமைக்குழுவினர் பொறுப் பேற்றனர்.

கிரேக்கத்தின் ‘பாமே’யின் பொதுச்செய லாளர் ஜார்ஜ் பெரோஸ் வரவேற்புரையாற் றினார். சம்மேளனத்தலைவரும் சிரியா நாட்டைச் சார்ந்தவருமான முகமது ஷாபான் அசூஸ் தலைமை உரையாற்றினார். துவக்க உரையாற்றிய பொதுச்செயலாளர், ‘ஏகாதி பத்தியத்திற்கும் மூலதனத்திற்கும் எதிராக நமது ஒன்றுபட்ட போராட்டத்தை முன் னெடுத்துச்செல்ல இந்த மாநாடு வர்க்கப் பார்வையுடன், ஜனநாயகப்பூர்வமாகவும் பகிரங்கத்தன்மையுடனும் செயல்படும்’ என் பதை தெளிவுப்படுத்தினார்.

கிரேக்க நாட்டின் துணை ஜனாதிபதி, அட்டிக் எனும் மாநிலத்தின் ஆளுனர், ஏதென்ஸ் மற்றும் பியரஸ் நகர மேயர்கள் வாழ்த்துரை வழங்கினர்.

கிரேக்க ஜனாதிபதியின் வாழ்த்துரை படிக்கப்பட்டது. வேலையின்மையும், கடுமை யான பாதுகாப்பின்மையும் நிறைந்த சூழலை கிரேக்கம் சந்தித்து வருவதாக அவரது வாழ்த் துச்செய்தியில் குறிப்பிட்டிருந்தார்.

பிரதிநிதிகள் மாநாடு

சம்மேளனத்தலைவருடன், பல்வேறு நாடுகளைச் சார்ந்த தலைவர்களும் உள் ளடங்கிய தலைமைக்குழு ஒவ்வொரு நாளும் தேர்வு செய்யப்பட்டது.

பிரதிநிதிகள் மாநாட்டின் துவக்க நாளில் சிஐடியுவின் சார்பில் ஏ.கே.பத்மநாபன் தலை மைக்குழுவில் இடம் பெற்றார். தொடர் நிகழ்வு களில் சிஐடியு துணைத்தலைவர் சுகுமால் சென், எஸ்.தேவ்ராய் ஆகியோரும் தலை மைக்குழுக்களில் இடம்பெற்றனர்.

கடந்த மாநாட்டுக்குப்பின் நடைபெற்ற பணிகள் பற்றிய அறிக்கை ஏழு மொழிகளில் தயாரிக்கப்பட்டு வழங்கப்பட்டிருந்தது. ஆங் கிலம், பிரெஞ்ச், ஸ்பானிஷ், அரபு, ரஷியன், போர்த்துகீஸ் மற்றும் கிரேக்க மொழிகளில் மாநாட்டு நிகழ்ச்சிகள் உடனுக்குடன் மொழி பெயர்க்கும் வசதியும் செய்யப்பட்டிருந்தது. எவ்வித சிரமமும் இன்றி, பிரதிநிதிகள் அனை வரும் மாநாட்டு நிகழ்வுகளில் பங்கேற்க முடிந்தது சிறப்பானதாகும்.

நடைபெற்ற பணிகள் பற்றிய அறிக்கை யின் சுருக்கம், வீடியோ காட்சியாக, பெரிய திரையில் ஒளிபரப்பினர்.

மாநாட்டின் அடிப்படை ஆவணமாக “ஏதென்ஸ் பிரகடனம்”(ஹகூழநுசூளு ஞஹஊகூ) பொதுச் செயலாளரால் முன்மொழியப்பட்டது.

இந்த பிரகடனத்தின் நகல் முன்கூட் டியே வெளியிடப்பட்டு, உலகம் முழுவது மிருந்தும் 1085 ஆலோசனைகள் கிடைக்கப் பெற்றதை குறிப்பிட்ட அவர், பிரதிநிதிகள் ஆக் கப்பூர்வ விவாதத்தின் மூலம் ஆவணத்தை வலுப்படுத்த வேண்டுமென கேட்டுக் கொண்டார்.

சர்வதேச பொருளாதார நெருக்கடி, தொழி லாளர் மற்றும் மக்கள் மீதான தாக்கங்கள், அதையொட்டி நடைபெறும் போராட்டங் களின் தன்மைகள், திட்டமிட்டும் ஒருமுகப் படுத்தப்பட்டும் போராட்டங்களை நடத்த வேண்டியதன் அவசியம், முற்றிவரும் தொழி லாளர் பிரச்சனைகளை சந்திப்பதற்கான வழி முறைகள், வர்க்க ஒற்றுமையை வலுப்படுத்த வேண்டியதன் அவசியம், பெண்கள், இளை ஞர்கள் மற்றும் ஓய்வுபெற்றவர்களையும் திரட்டுதல், பிறநாடுகளிலிருந்து வரும் தொழி லாளர்களை திரட்டுதல் மற்றும் பன்னாட்டு நிறுவனங்களுக்கு எதிரான போராட்டங் களை வலுப்படுத்தல் என முக்கிய அம்சங் களை ஆவணம் முன்வைத்தது.

இதையெல்லாம் நிறைவேற்ற, சம்மே ளனத்தை வலுப்படுத்துவது, பிராந்திய வாரி யாகவும் தொழில் வாரியாகவுமான செயல் பாடுகளை விரிவாக்குவது, உறுதிப்படுத்துவது என கடமைகளை ஆவணம் வலியுறுத்தியது.

வாழ்த்துரைகள்

ஐ.நா.சபையின் தலைமைச்செயலாளர் பான்கிமூன் மற்றும் கியூபா, பொலிவியா, சிரியா, பாலஸ்தீனம், சைப்பரஸ் நாட்டு ஜனாதிபதிகள் வாழ்த்துச்செய்திகளை அனுப்பியிருந்தனர்.

சர்வதேச தொழிலாளர் அமைப்பு (ஐடுடீ), சீனத்தொழிற்சங்க சம்மேளனம் (ஹஊகுகூரு), ஆப்பிரிக்கா மற்றும் அரேபிய நாடுகளின் தொழிற்சங்க கூட்டமைப்புகள், பெண்கள் மற்றும் இளைஞர்களின் உலக அமைப்புகள் மற்றும் உலக அமைதி கவுன்சில் சார்பில் வாழ்த்துரைகள் வழங்கப்பட்டன.

விவாதம்

மாநாட்டு பிரகடனத்தின் மீதான விவாதம், அனைத்து கண்டங்களிலும், அனைத்து நாடுகளிலும் தொழிலாளர்கள் சந்திக்கும் பிரச்சனைகளை எடுத்தியம்பும் அரங்கமாக இருந்தது. நாடுகளும், மொழிகளும் அமைப்பு களும் வேறுபட்டாலும் நூற்றுக்கு மேற்பட் டோரின் பேச்சுகள், இன்றைய முதலாளித் துவ நெருக்கடி மற்றும் தொழிலாளர்கள் மீதான தாக்குதல்களின் பொதுத்தன்மையை வெளிப்படுத்தியது குறிப்பிடத்தக்கதாகும்.

வேலையின்மை, ஆட்குறைப்பு, ஊதிய வெட்டு, ஓய்வூதியம் பறிப்பு, வேலைநேர அதிகரிப்பு, ஓய்வுபெறும் வயது அதிகரிப்பு, தொழிற்சங்க உரிமை-கூட்டுப்பேர உரிமை பறிப்பு என துவங்கி தொழிற்சங்க தலைவர் கள், ஊழியர்களை சிறைப்படுத்துதல், படு கொலைகள் வரையிலுமான பொதுப்பிரச் சனைகளும், ஆர்ப்பாட்டங்கள்,பேரணிகள், அரங்கவாரி மற்றும் நாடு தழுவிய வேலை நிறுத்தங்கள் ஆகியவற்றுடன் மூன்றுமுறை சர்வதேச கிளர்ச்சி தினங்கள் அனுசரிக்கப் பட்ட விபரங்களும் இந்த பொதுத்தன்மையை வெளிப்படுத்தியது.

சிஐடியுவின் சார்பில் ஏ.கே.பத்மநாபன், எரிசக்திக்கான சர்வதேச தொழிற்சங்க கூட் டமைப்பின் சார்பில் அதன் தலைவரும், சிஐ டியு செயலாளருமான எஸ்.தேவ்ராய் உட்பட இந்தியாவிலிருந்து வந்திருந்த பிரதிநிதிகள் 6 பேர் விவாதத்தில் பங்கேற்றனர்.

பெண் பிரதிநிதிகள் கூட்டம்

உழைக்கும் பெண்களின் ஒருங்கிணைப்பை உலகளாவிய முறையில் வலுப்படுத்தும் நோக் கோடு, பெண் பிரதிநிதிகளின் கூட்டம் தனி யாக நடத்தப்பட்டு, தொடர் நடவடிக்கை களுக்கு திட்டமிடப்பட்டது. மொத்தமுள்ள பிரதிநிதிகளில் பெண்கள் 30சதவீதமாகும்.

இதேபோன்று ஆசிய-பசிபிக், ஐரோப்பா, அமெரிக்கா,ஆப்பிரிக்கா என மண்டல வாரி யாக அனைத்து பிரதிநிதிகள் கூட்டங்களும் நடைபெற்றன. பொதுச்செயலாளர் தொகுப்பு ரையோடு பிரகடனம் ஏற்கப்பட்டது.

சம்மேளன விதிகளிலும், நோக்கம் குறித்த முன்னுரை குறிப்பிலும் திருத்தங்கள் முன்மொழியப்பட்டதை புதிய செயற்குழு இறுதிப்படுத்துவதென முடிவாயிற்று.

புதிய நிர்வாகிகள்

42 உறுப்பினர்கள் கொண்ட தலைமைக் குழுதான் சம்மேளனத்தின் உயரிய அமைப்பு. தலைமைக்குழு தேர்வுக்கு முன் பொதுச்செய லாளராக ஜார்ஜ் மாவ்ரிகோஸின் வேட்புமனு மட்டும் தான் தாக்கலாகியிருந்ததால், அவர் ஏகமனதாக தேர்வு செய்யப்பட்டார். தலைவ ராக, தற்போதைய தலைவர் முகமது ஷாபான் அசூஸ் அவர்களும் ஏகமனதாக தேர்ந்தெடுக் கப்பட்டார்.

மேலும், தலைமைக்குழுவிற்காக 40 பெயர்கள் அறிவிக்கப்பட்டன. 40பேர்களை தேர்வு செய்ய வேண்டுமென்றாலும், ரகசிய வாக்குகளை பதிவு செய்யும் முறை அமலாக் கப்பட்டது. 5பேர் கொண்ட நிதி ஆய்வுக் குழுவும் தேர்வு செய்யப்பட்டது. தலைமைக் குழுவில் 5 பேர் பெண்கள்.

இவர்களுடன் தொழில்வாரி கூட்டமைப்பு களின் பொதுச்செயலாளர்களும், மண்டல அலுவலக பொறுப்பாளர்களும் தலைமைக் குழு கூட்டங்களுக்கு அழைக்கப்படுவார்கள். கட்டுமானத் தொழிலுக்கான உலக கூட்ட மைப்பின் பொதுச்செயலாளராகியுள்ள தீ பஞ்சன் சக்கரவர்த்தி இதில் இடம் பெறுகிறார்.

புதிய தலைமைக்குழு கூடி 17துணைத் தலைவர்களையும், 7பேர் கொண்ட செயற் குகுழுவையும் தேர்வு செய்தது. செயற்குழு வில் கியூபாவிலிருந்துள்ள பெண் தோழர் ஓசீரிஸ் ஓவிடோ தொடர்கிறார்.

சிஐடியுவிலிருந்து ஏ.கே.பத்மநாபன் துணைத்தலைவராகவும், எஸ்.தேவ்ராய் செயற்குழு உறுப்பினராகவும் தேர்ந்தெடுக்கப் பட்டுள்ளனர். ஏஐடியுசியிலிருந்து தலைவர் பிரமோத் கோகோய் துணைத்தலைவராகவும், எச்.மகாதேவன் செயற்குழு உறுப்பினராகவும் தேர்ந்தெடுக்கப்பட்டனர். ஏஐபிஈஏ பொதுச் செயலாளர் சி.எச். வெங்கடாசலம் நிதிக்குழு உறுப்பினராக உள்ளார்.

ஆசியா, ஆப்பிரிக்கா, ஐரோப்பா, அமெ ரிக்கா, ஆஸ்திரேலிய கண்டங்களின் 101 நாடு களிலிருந்து பங்கேற்ற 881 பிரதிநிதிகளும் பார்வையாளர்களும் புதிய உணர்வோடும் போராட்ட வேகத்தோடும் உணர்ச்சி பொங்க சர்வதேச கீதம், பல மொழிகளிலுமாய் முழங்க, 16வது உலக தொழிற்சங்க மாநாடு சிறப்புற நிறைவு பெற்றது.

முதலாளித்துவ காட்டுமிராண்டித்தனங் களுக்கு எதிராக, சுரண்டலற்ற புதிய உலக மெனும் உலக தொழிற்சங்க சம்மேளன முழக் கம், வரும் நாட்களில் வீறுகொண்டு உலக மெங்கும் எதிரொலிக்கும் என்ற நம்பிக்கை எங்கும் பிரதிபலித்தது.

முரசொலியில் திமுகவின் கொள்கை பரப்பு இணைச் செயலாளர் பரமத்தி சண் முகம், தமிழ்நாட்டு கம்யூனிஸ்டுகளுக்கு மே நாள் கொண்டாடத் தகுதி உண்டா என்ற தலைப்பில் எழுதியுள்ள கட்டுரை யில், “திமுகவும், அதன் தொழிற்சங்க அமைப்பான தொமுசவும் கொண்டாட இருக்கிறது. மற்ற தொழிற்சங்க அமைப்பு களும் கொண்டாடலாம். ஆனால் கம்யூ னிஸ்டுகள் எந்த முகத்தை வைத்துக் கொண்டு பொது மக்களிடையே மே நாள் விழாவின் சிறப்பை விளக்கிடப் போகி றார்கள்” என்று குதர்க்கமாகக் கேட்டுள் ளார். கம்யூனிஸ்டுகளுக்கு இருப்பது ஒரு முகம்தான். கட்டுரையாளரின் கட் சிக்கு சர்க்காரியா கமிஷன் முதல் 2ஜி வரை எத்தனையோ முகங்கள் இருக் கின்றன.

யார் ஆட்சியில் இருந்தாலும் தொழி லாளருக்கு எதிரான நடவடிக்கை களைக் கண்டித்து கம்யூனிஸ்டுகள் தான் பெருமளவில் போராட்டங்களை நடத்தியவர்கள் என்பதை தமிழ்நாடு மக் கள் நன் கறிவார்கள்.

திமுக தலைவரின் 5வது முறை ஆட்சியில்தான் தொழிலாளர்களின் அடிப்படை உரிமையான சங்கம் வைக் கும் உரிமை அடியோடு மறுக்கப்பட்டது. அதனையும் மீறி சங்கம் வைத்தவர்கள் வேலைநீக்கம், இடைநீக்கம், ஊர்மாற்றம், சம்பளப் பிடித்தம் போன்ற தாக்குதல் களுக்கு ஆளாக்கப்பட்டார்கள். 40க்கும் மேற்பட்ட நிறுவனங்களில் 1000க்கும் மேற்பட்ட தொழிலாளர்கள் பாதிப்புக்குள் ளாகினர். 500க்கும் மேற்பட்டோர் மீது கொலை முயற்சி வழக்கு உட்பட பொய் வழக்கு புனையப்பட்டது.

தொழிலாளர்களுக்கு எதிராக முத லாளிகளால் ஏவப்பட்ட பழிவாங்கல்கள் மீது நடவடிக்கை எடுக்க வேண்டிய தொழிலாளர் நலத்துறை, முதலாளிகளின் நலத்துறையாக மாற்றப்பட்டது. கடந்த காலமரபுகள், வாக்குறுதிகள் என அனைத்தும் காற்றில் பறக்கவிடப்பட் டது.

சமரசப் பேச்சுவார்த்தைக்கு முத லாளிகள் வருவார்களாம். ஆனால் தொழிற் சங்கத்தோடு பேசமாட்டார் களாம். முடிவு எடுக்கமாட்டார்களாம். முதலாளிகளின் முகம் கோணாமல் பார்த்துக்கொள்வார் களாம். இது தானே திமுக ஆட்சியில் தொழிலாளர் நல லட்ச ணமாக இருந்தது.

தொழில் வளர்ச்சியில் தமிழகம் முதலிடம் என மார்தட்டிக்கொள்ளும் திமுக, இந்த தொழில் நிறுவனங்களில் பணியாற்றும் லட்சக்கணக்கான தொழி லாளர்கள் காண்ட்ராக்ட், கேசுவல், தினக் கூலி என்ற பேராலே உழைப்புச் சுரண் டலை அனுமதிக்கிற ஆட்சியாகவே தான் இருந்தது.

பாக்ஸ்கான் தொழிலாளர்களின் போராட்டத்தின்போது பொய்வழக்குகள் புனையப்பட்டு, சிஐடியு மாநில பொதுச் செயலாளர் அ.சவுந்தரராசன் மற்றும் ஏதுமறியா இளந்தொழிலாளர்களை வேலூர் மத்திய சிறையில் அடைத்து, அவர்கள் பிணையில் வந்துவிடுவார் களே என்று எண்ணி, மேலும் அவர்கள் மீது வழக்கு புனைந்து சிறைச்சாலை யிலேயே அடைத்துவைக்க நீதிமன்றத் திற்கு கைவிலங்குடன் அழைத்து வரப் பட்டதும், சட்டசபையில் முதலமைச் சரே, அவர்கள் 40 கார்களை அடித்து சேதப்படுத்தினார்கள் என்ற கொஞ்சமும் உண்மையில்லாத, நடைபெறாத நிகழ்ச் சியை நடந்ததாக பதிவு செய்து, தொழிலா ளர்களை சமூக விரோதிகள் என சித் தரிக்க முயற்சித்த திமுக தான் மேதினம் கொண்டாட தகுதியுடையதாக கட்டுரை யாளர் கருதுகிறாரோ என்ற ஐயம் ஏற் படுகிறது.

பாக்ஸ்கானில் செயல்படும் திமுக வின் தொழிற்சங்கமான தொ.மு.ச.வை இன்னொரு முதலாளியாகவே தொழி லாளர்கள் பார்க்கின்றனரே சென்னை உயர்நீதிமன்றம் ரகசிய வாக்கெடுப்பு மூலம் தொழிற்சங்க தேர்தலை நடத்த வேண்டுமென்று தொழிலாளர்துறைக்கு உத்தரவிட்டும், அதை உதாசீனப்படுத் தியதுதான் திமுகவின் தொழிலாளர் நலன் காக்கும் கொள்கையா?

முதலாளிகளின் மனம் நோகாமல் இருப்பதற்காக புரிந்துணர்வு ஒப்பந்தங் கள் என்ற பேரில் தொழிலாளர் சட்டங் களை புதைகுழிக்குள் போட்டு மூடி மறைத்தது. அவர்கள் செய்யக்கூடிய தொ ழிலாளர் விரோத, தொழிற்சங்க விரோத நடவடிக்கைகளை வாய்மூடி, கைகட்டி வேடிக்கை பார்த்த பெருமை திமுக ஆட் சிக்குத்தான் உண்டு.

ரகசிய வாக்கெடுப்பின் மூலம் சங்க அங்கீகாரத்திற்கான சட்டத்திருத்த மசோ தா ஜனாதிபதியின் ஒப்புதலுக்குத் அனுப் பி, நிறைவேற்றப்படாமல் கிடப்பில் போட் ட அரசு தனது கட்சி அரசு என்பது கட்டு ரையாளருக்கு தெரியாமல் இருக்குமா?

இந்திய தொழிலாளர் மாநாட்டில், தொமுச சார்பில் கலந்துகொண்ட பிரதி நிதிகள், வேலைநேரத்தை 8 மணிநேரம் என்பதை கூடுதலாக்க வேண்டும் என்று முதலாளிகளின் குரலையே பிரதி பலித்தார்களே, இதுவல்லவோ தொழி லாளர் நலன் காக்கும் தொழிற்சங்கம்?

25 ஆண்டுகளுக்கு மேலாக தொடர்ந்து பணியாற்றிவரும் சத்துணவு, அங்கன் வாடி ஊழியர்கள், 8 ஆண்டுகளாக பணி யாற்றிவரும் டாஸ்மாக் ஊழியர்கள் நடத் திய போராட்டங்களை அதிகார ஆணவத் தோடு அடக்கியதையும், அரசு ஊழியர் களை புதிய சட்டமன்ற வளாகத்திற்கு அருகிலேயே அடித்து உதைத்ததும் திமுக ஆட்சியின் வேதனையாகவே தெரிகிறது. இவர்களோடு உள்ளாட்சி அமைப்புகளில் துப்புரவு, மேல்நிலை நீர்த்தேக்கத் தொட்டி இயக்குபவர்கள், கவுரவ விரிவுரையாளர்கள், அரசு போக்குவரத்து தினக்கூலி தொழிலாளர் என அரசு நிறு வனங்களில் பணியாற்றும் 6 லட்சத்துக்கும் மேற்பட்டோர் தொகுப் பூதியம், மதிப் பூதியம் என்ற பெயராலே பணிநிரந்தரமற்று அத்தக்கூலிகளாகவே வைத்திருப்பதுதான் திமுக ஆட்சியின் சாதனையா?

தேர்தலில் தோல்வி உறுதி என்ற எரிச்சலில் மேதினத்iத் சாக்காக வைத்து கம்யூனிஸ்டுகளை இகழ்ந்து, அவரது கட்சித் தலைமையின் கவனத் iத் ஈர்ப்பதற்காக எழுதியுள்ள தாகவே இந்த கட்டுரையை எடுத்துக் கொள்ள வேண்டியிருக்கிறது.

தமிழ்நாட்டில் மே தினத்தை சிஐடியு, ஏஐடியுசி தொழிற்சங்கங்கள் இணைந்து கொண்டாட முடிவு செய்துள்ளன. மே தினத்தை சென்னை நகரிலும் மாவட்ட தலைநகரங்களிலும் நடைபெறும் ஊர்வலங்களிலும் பொதுக்கூட்டங்களிலும் இரண்டு சங்கங்களின் சார்பில் பங்கேற்கும் தலைவர்கள் பட்டியல் ஏற்கெனவே வெளியாகியுள்ளது.

சிஐடியு மாநிலப் பொதுச் செயலாளர் அ.சவுந்தரராசன், ஏஐடியுசி மாநிலப் பொதுச் செயலாளர் எஸ்.எஸ்.தியாகராஜன் ஆகியோர் கூட்டாக வெளியிட்டுள்ள மேதினச் சூளுரை வருமாறு:

கடுமையான முதலாளித்துவப் பொருளாதார நெருக்கடியில் உலகம் சிக்கித்தவித்துக் கொண்டிருக்கிறது. விரைவில் சரியாகிவிடும் என்று சொன்ன ஜோதிடங்கள் எல்லாம் பொய்த்துப் போயின. சரிந்து விழும் நிறுவனங்களை காப்பாற்ற அமெரிக்க அரசும் இதர ஏகாதி பத்திய நாடுகளின் அரசாங்கங்களும் எடுத்த நடவடிக்கைகள் வெற்றிபெற வில்லை.

நெருக்கடி நோயின் மூலகாரணமே முதலாளித்துவ முறைமைதான். அதையே மருந்தாகக் கொடுத்தால், நோய் தீருவது எவ்வாறு சாத்தியம்?

உலகம் முழுவதும் 30 கோடிப்பேர் வேலையிழந்து விட்டனர். பிரிட்டனில் பள்ளிக்கூடத்துக்கு வரும் குழந்தை களில் மூன்றில் ஒருவர் பட்டினியாக வரு வதாகவும், வளர்ச்சிக்கு ஏற்ப காலணி களைப் புதிதாக வாங்க முடியாமல், சிறி தாகிவிட்ட காலணிகளில் கால்களை நுழைப்பதால் புண்ணாகிக் கிடப்பதாக வும், பிரிட்டனின் ஆசிரியர் சங்கம் வெளியிட்டுள்ள அறிக்கை கூறுகிறது.

வளர்முக நாடுகளின் மக்களை தள்ளி யது மட்டுமல்ல; வளர்ந்த முதலாளித்துவ நாடுகளிலும் உழைக்கும் மக்களின் வாழ்க்கையும் அவலநிலைக்குத் தள்ளப் பட்டுவிட்டது.

தென்அமெரிக்க மக்கள் வாக்குச்சீட் டைப் பயன்படுத்தி, அராஜக ஆட்சி களைத் தூக்கி எறிந்ததை முந்தைய ஆண்டுகளில் பார்த்தோம். கடந்த ஆண்டில் அரபு உலகம் தீப்பற்றி எரிந்து கொண்டுள்ளது. அரசாங்கத்தை எதிர்த்து, ஆண்களும், பெண்களும் சரிநிகர் சமானமாய்ச்சேர்ந்து நின்று வீதிகளில் இறங்கிப்போராடுகின்றனர். அவிழ்த்து விடப்படும் அனைத்து அடக்குமுறை களையும் எதிர்த்து நிற்கிறார்கள். டுனீ ஷியாவில் முதலில் எடுத்த போராட்டம் அரசுப்பொறுப்பில் இருந்தவர்களை அகற்றியது. பின்னர் எகிப்தில் 30 ஆண்டு களாகக் கொடூர ஆட்சி செய்த ஹோஸ்னி முபாரக்கின் ஆட்சி முடித்து வைக்கப் பட்டது. லிபியாவின் சர்வாதிகாரியான கடாபியை எதிர்த்த போராட்டம் நாளுக்கு நாள் வலுப்பெற்று வருகிறது. யேமன், சிரியா, ஜோர்தான் ஆகிய நாடுக ளிலும் தெருக்கிளர்ச்சிகள் நடக்கின்றன.

தமது பொம்மைகளாக இருந்த சர் வாதிகாரிகள் மக்களின் சுனாமி எழுச்சி யில் காணாமல் போன நிலையில், புதிய பொம்மைகளை நுழைக்க அமெரிக்க ஏகாதிபத்தியம் தீவிரமாக முயன்று வரு கிறது. இதற்காக போராடும் மக்களுக்கு ஆதரவு தருவது போல பச்சையாக நடித்து வருகிறது.

அத்தனை அதிகாரங்களையும் தனக் குள்ளேயே முடக்கிவைத்துக்கொள்வதா லும், ஜனநாயக சக்திகளை அடக்கு முறைகளால் ஒடுக்கி வைப்பதாலும், லஞ்ச ஊழல்களால் பெரும் செல்வத் தைக் குவித்து சேமித்து வைத்துக் கொள் வதாலும் ஆட்சியைத் தொடர்ந்து தக்க வைத்துக்கொள்ள யாராலும் முடியாது என இந்தக் கிளர்ச்சிகள் மெய்ப்பித்து விட்டன.

ஒரு மாதத்திற்கு மேலாக பிரான்ஸை நிலைகுலையச்செய்த பிரெஞ்ச் தொழி லாளர் வேலைநிறுத்தம், ஓய்வூதியம் கோரி நடந்தது. ஸ்பெயின், பெல்ஜியம், இங்கிலாந்து, அமெரிக்கா, கிரீஸ், போர்ச் சுக்கல், ஜெர்மனி, தென்கொரியா என அடுக்கடுக்காக வேலையின்மை, சம்ப ளம், வாழ்க்கை மேம்பாடு கோரி தொழி லாளர்கள் போராடினர். உலகத்தொழிற் சங்க சம்மேளனத்தின் 16வது மாநாடு ஏப்ரல் 6 முதல் 10வரை ஏதென்ஸில் நடைபெற்றது. 106நாடுகளிலிருந்து 881 பிரதிநிதிகள் கலந்து கொண்டனர். உலக அளவில் தொழிலாளர் போராட்டமும், தொழிற்சங்க ஒற்றுமையும் அதிகரித்து வருகின்றன.

நம் பாரத தேசத்தில், இந்த ஆண் டுக்கு, ஊழல் ஆண்டு எனப் பெயர் சூட்டி விடலாம் என எண்ணும் வகையில் சிக ரத்தை தொட்ட ஊழல்கள் நடந்துள்ளன.

ஊழல் தடுப்பு ஆணையராக, ஊழல் செய்த பி.ஜே.தாமஸ் என்பவரை அரசு நிய மித்தது. உண்மை வெளிப்பட்டபின்பும், அவர் வெளியேறவில்லை ; கடைசியில் உச்சநீதிமன்றம் உத்தரவிட்டுத்தான் அவர் பதவி பறிக்கப்பட்டது. கார்கில் போரில் உயிர்நீத்த ராணுவ வீரர்களின் குடும்பங்களுக்காக கட்டப்பட்ட ஆதர்ஷ் குடியிருப்பை, அமைச்சர்களும், அதிகாரி களும், ராணுவ உயர் அதிகாரிகளும் சேர்த்து ஆக்கிரமித்துக்கொண்ட கொடு மையும் உச்சநீதிமன்றத் தலையீட்டா லேயே நடவடிக்கைக்கு ஆளானது.

2ஜி ஸ்பெக்ட்ரம் அலைவரிசை விற் பனையில் சுமார் 2 லட்சம் கோடி ரூபாய் ஊழல், அதை மறைக்க அமைச்சர்கள் பேசிய பேச்சுக்கள், அமைச்சர்களை நியமிப்பதில் இடைத்தரகர்களின் ஆதிக் கம் குறித்து வெளியான ஒலிநாடாக்கள், மத்தியஅமைச்சர் ஆ.ராசா வீட்டில் சோத னை, அவரது ராஜினாமா, கைது, சிறை யில் அடைத்தது. தமிழ்நாட்டில் முதல்வர் குடும்பத்தினரே மத்திய புலனாய்வுத் துறையால் விசாரணைக்கு ஆளானது, அவர்களது தொலைக்காட்சி நிறுவனம் சோதனைசெய்யப்பட்டது என பல அத்தி யாயங்கள் கொண்டதாக விரிந்து கொண்டே போகிறது.

இடதுசாரிகள் ஆதரவைத் திரும்ப பெற்றபின்பு, தனது ஆட்சியை நிலைக்கச் செய்ய கோடி கோடியாய் காங்கிரஸ் கட்சி லஞ்சம் கொடுத்ததற்கான ஆதாரங் களும் வெளியாகி இருக்கின்றன.

“இந்த நாட்டில் என்னதான் நடந்து கொண்டு இருக்கிறது” என்று உச்சநீதி மன்றமே திகைத்துக்கேட்கும் அளவுக்கு மத்திய ஆட்சியில் உள்ள கூட்டணி அரசும், அதற்குத்தலைமை ஏற்கும் காங் கிரஸ் கட்சியும் நாட்டை தரம் தாழ்த்தி இழுத்துக்கொண்டு சென்றன.

அதேநேரத்தில் மகளிர் 33சதவீத இட ஒதுக்கீடு மசோதா இன்னமும் நிறைவேற் றப்படவில்லை. உணவுப்பாதுகாப்பு மசோதாவைப் பற்றி ஏராளமாக விவாதித் தும் கூட, இதுவரை நாடாளுமன்றத்தில் அறிமுகப்படுத்தக்கூட இல்லை.

விலைவாசி உயர்ந்து கொண்டே போகிறது. அடுத்தமாதம் சரியாகிவிடும் என்று அலுக்காமல் பொய் சொல்கிறது அரசாங்கம். பதுக்கல்காரர்களும், கள்ளச் சந்தையினரும் பகிரங்கமாகத் திரிகின்ற னர். வெங்காயவிலை 100 ரூபாயை தாண் டியபோது, ஒரு பதுக்கல்காரனைக்கூட இந்த அரசால் கைதுசெய்ய முடியவில் லை. அவ்வளவு பலவீனமாக இந்திய அரசுஇருக்கிறது.

அதே நேரத்தில் பன்னாட்டு கார்ப் பரேட் நிறுவனங்களுக்கும், உள்நாட்டுப் பெருமுதலாளிகளுக்கும் எண்ணிலடங் காத சலுகைகளை வாரி வழங்கி வருகி றது. ஆனால் ஏழை மக்களின் அவலங் களை நோக்கிக் கண்ணைத் திருப்ப மறுக்கிறது.

மத்திய அரசின் தொழிலாளர் விரோ தக்கொள்கைகளைக் கண்டித்து, ஐஎன் டியுசி உள்ளிட்ட இந்திய தொழிற்சங்கங் கள் இணைந்து போராடி வருகின்றன. இந்தியத் தொழிலாளர்களிடம் புதிய நம்பிக்கைகளை இந்த ஒற்றுமை தோற்று விக்கிறது. செப்டம்பர் 7ல் நடந்த வேலை நிறுத்தம் இந்தியாவில் மிகப்பெரிய வேலைநிறுத்தமாகும். மார்ச் 5ல் சிறை நிரப்பும் போராட்டத்தில்10லட்சம் தொழி லாளர்கள் பங்கேற்றனர்.

தமிழகத்தில் சட்டப்பேரவைக்கான தேர்தல் நடந்து முடிந்திருக்கிறது. அதன் முடிவு தெரிய ஒருமாதக்காலம் காத்தி ருக்க வேண்டிய நிலை உள்ளது.

ஓர் ஓட்டுக்கு ஆயிரம் ரூபாய் வரை விலை தந்து, எதிர்த்தரப்பினரை ஆள் பலம் கொண்டு அச்சுறுத்தி, அதிகாரி களைத் தனது விருப்பத்திற்கேற்ப வளைத்து கடந்த ஆண்டுகளில் இடைத் தேர்தல்களில் ஆளுங்கட்சி வெற்றிபெற் றது. ஜனநாயகத்தைக் கேலிக்கூத்தாக் கும் இந்த நடைமுறைக்கு திருமங்கலம் பார்முலா என்று ஊடகங்கள் பெயர் வைத்தன. இந்தப் பொதுத்தேர்தலில் ஊழல் நடைமுறைகளை எதிர்த்து மக்கள் அணிதிரண்டுள்ளனர்.

இந்த பொதுத்தேர்தலிலும் அவ்வாறே நடத்த எத்தனித்ததை,தேர்தல் ஆணை யம் எதிர்த்து நின்றது பாராட்டுக்கு உரிய அம்சமாகும். முன்பு போல பணப்பரிவர்த் தனைகளை பகிரங்கமாக நடத்தமுடியா மல் ஆணையம் தடுத்தது. ஆனாலும் ரக சியமாக “ஓட்டுக்கு துட்டு” தரப்பட்டது. பல கோடி ரூபாய்களை ஆணையம் கைப்பற்றியது. அது ஒரு சிறிய பகுதியே. எனினும் “ஆட்சி கையில் இருந்தால் எதையும் செய்யலாம்; அதை தடுத்து நிறுத்துவதற்கு வழியே இல்லை” என்று ஏங்கி கிடந்த மக்களுக்கு, ஆணையத் தின் நடவடிக்கையால், ஜனநாயகத்தின் மீது மீண்டும் ஒரு பிடிப்பு ஏற்பட்டுள்ளது. இதுவரை காணாத அளவுக்குத் திரண்டு வந்து வாக்களித்தது இதனை நிரூபிக் கிறது.

தமிழகத்தில் பெரும் பன்னாட்டு நிறுவனங்களுக்குஅதிக சலுகைகள் கொடுத்து கதவை திறந்துவிட்டது மாநில அரசு. அதே நேரத்தில் நடுத்தர, சிறு,குறு தொழில்கள் அழிக்கப்பட்டன. வரலாறு காணாத மின்வெட்டு, தொழில்களை நாசப்படுத்திவிட்டது. பாரம்பரியத் தொழில்களான கைத்தறி, பீடி, கயிறு தயா ரிப்பு உள்ளிட்ட தொழில்கள் நலிந்து, அதில் பணிபுரிந்தோர் நடுவீதிக்குத் தள் ளப்பட்டனர். நிரந்தரத்தொழிலாளர்களின் எண்ணிக்கை குறைக்கப்பட்டு, எங்கும், எதிலும், ஒப்பந்தத் தொழிலாளர் முறை கொண்டுவரப்பட்டுவிட்டது.

தொழிற்சங்க அங்கீகாரத்துக்கான சட்டம், சுமங்கலித் திட்டம் என்ற நவீன பஞ்சாலைக்கொத்தடிமை முறைக்கு தீர்வு, ஒப்பந்தக்கூலிமுறை ஒழிப்பு, தொழிலாளர் சட்டங்களை அமலாக்கு தல், சமவேலைக்கு சம ஊதியம், குறைந் தபட்ச ஊதியத்தை அதிகரித்து கறாராக அமல் செய்தல், அமைப்புசாரா வாரியங் களில் ஏற்பட்டுள்ள பிரச்சனைகளுக் குத்தீர்வு, நல உதவிகளை அதிகரித்தல் என தமிழகத்தொழிற்சங்க இயக்கம் முன் வைத்த கோரிக்கைகளை நிறைவேற் றாமலேயே தனது ஆட்சியை முடித்து விட்டது தற்போதைய அரசு. புதிய அரசு இவற்றை நிறைவேற்ற வேண்டும். முடக்கி வைக்கப்பட்டு, செயலிழந்து விட்ட தொழிலாளர் துறையை மீண்டும் உயிர்ப்பிக்க வேண்டும். இல்லாவிடின் தொழிலாளி வர்க்கப் போராட்டங்கள் தீவிரப்படும்.

ஐந்து மையமான கோரிக்கைகளை முன்வைத்து ஐஎன்டியுசி உட்பட இந்தி யாவின் அனைத்து தொழிற்சங்கங்களும் சேர்ந்து நடத்தும் இயக்கம் மேலும் வலுப் பெற வேண்டும். இந்த ஒற்றுமையை மேலும் முயன்று கட்ட வேண்டும். தொடர்ந்து வரும் கூட்டு இயக்கங்களை அதிக சக்தியுடன் நடத்தவேண்டும். ஏதுமற்றவர்களாய் இருந்த தொழிலாளி வர்க்கம், போராடிப் போராடித்தான் புதிய உரிமைகளை வென்றெடுத்தது. தொழி லாளி வர்க்கத்திற்கு போராடுவதைத் தவிர உத்தரவாதமான வேறு வழிகள் இல்லை.

இந்த உரிமைப்போரில் உலகம் முழு வதும் பல்லாயிரக்கணக்கானவர்கள் தமது உயிரை இழந்துள்ளனர். பல லட்சக் கணக்கானவர்கள் தமது உடமைகளை இழந்தனர். அவர்களின் மாபெரும் தியா கங்களைப் பெருமையோடு நினைவு கூர்ந்து, அந்தப்போராளிகளின் வாரிசுக ளாகப் புதிய போராட்டங்களை முன்னெ டுக்க இந்த மே நன்னானில் உறுதி யேற்போம்.